Kristus Ojahan ni Parsaripeon i

Efesus 5.22-33
by.gr.abnerpanjaitan

Patujolo:

Ditongos Ap.Paulus surat on mamangkulingi angka ruas na di huta Efesus asa mangolu dibagasan holong huria jala huhut mangolu dibagasan ngolu na tama songon huria na dipillit dibagasan habadian(1.1-2).Dibindu 5 ay 22-233 adong do persoalan na manegai ruhutruhut parsaripeon na so denggan dipangalaho ni huria ima muramura hata sirang jumpang di nasida. Dia do sibonsiri; 1). Ala di bangso Jahudi, mansai  toru do hajongjongan ni angka parompuan, 2).Ai baoa ido jumolo di tompa(1 Tim 2.10-14), 3). Holan baoa do na boi pasirangkhon, 4). Otik pe sala parange ni boruboru i isara na hurang sira ni ingkau na ni lompana, so turut tu aturan, manghatai dohot boa na asing boi do dalan mangugat parompuan jala maniranghonsa(Pandangan ni si Hillel). Alani do gabe mago ma habadiaon dohot hasongkalon ni ripe ni angka pinajongjong nasida di jolo ni Tuhan i dipanatapan ni si Paulus.  Ndang Kristus be ojahan ni parsaripeon i alai dirina, aturan ni jolma holan mengguntungkan sapihak nama angka na masa tingki. Dipaboa si Paulus do di mulana i ai nunga dipauli huria/parsaripeon o diatas ojahan ni angka apostel dohot panurirang, jala ojahanna ima Kristus Jesus na gabe batu parsuhi(2.20). 

Disoara ni turpuk on paingoton pardalanan ni parsaripeon didadasori ojahan na tutu marhite na denggan parsaoran ido hataridaan na;

1. "Dioloi parompuan" dohot hata "Haholongi"(tunduk dan kasihilah), ido sada ojahan na ingkon sipatuduhon ni parsaripeon ni halak Kristen. Gabe "Patner" idola ni ama do ina, songon na sabalikna dohot ingkon sian roha na mansioloan, mansipasangapan huhut rap manarihon dohot mamingkirhon masa depan ni rumah tangga i mamboan tu hauduhon di Jesus i. Ingkon alo ni halak Kristen do pandohan ni Filsuf na margoar si Seneca na mandok: "wanita-wanita itu sesungguhnya di nikahi untuk diceraikan dan diceraikan untuk dinikahi lagi" ninna ibana. Hira songon na mangida sada "barang" molo lomo roha pinangke, ndang suman pinaulak tu inganan muse. Didok si Paulus di turpuk on "Ai baoa i do ulu ni pardihutana, songon Kristus ulu ni huria" (ay 23; 1 Pet 3/1); Kristus ima ulu ni Kristus (Kol 3.20; Tit 3.1), status ni ama ima "Ulu " na marlapatan ndang dihalomohon si Paulus parsaripeon i mardalan boti, alai ingkon adong do na manguluhon "Pemimpin" di keluarga alai ingkon sada ulu (pat Efs 4.14-15), taida do hasesega ni sada punguan molo sude do na mangaturhon gabe boi do ndang jelas/pita be ise do sitangihonon manang sioloan, jadi dohononta ma denggan do adong na manguluhoon asa denggan mardalan sude aturan na gabe ojahan na dibagasan holong ni roha.

2. "Badia do pardongansaripeon i". Dimensi ni holong ni roha molo tubu di roha ni Ama dohot Ina di sada bagas laho mangeahi angka na dumenggan di bagasna. Didok Charles H.Spurgeon "Apabila rumah tangga dikendalikan menurut firman Tuhan maka malaikat-malaikat dapat diundang untuk tinggal bersama dengan kita, dan mereka pasti akan merasa butuh dan tenang". Tangkas do didok di ay 26-27 "asa diparbadiai, dung diiasi marhitehite na mandidihon aek di bagasan Hata i. Jala sangap do dipadiri di Ibana huria i, so marlindang, so marhalingking, manang marhahurangan dia pe, asa badia tahe jala so hasurahan.Unang adong pihak na patoluhon (WIL=Wanita idaman lain dohot PIL=Pria idaman lain), alai ingkon badia hita dibagasan parsaripeon i dao sian angka sikap dohot pangalaho haramunon, alai mangolu jala mangula mardalan rumah tangga i hombar tu ojahan ni Kristus i. Ingkon Jesus ma pihak na patoluhon di rumatangga ni halak Kristen.Dipatorang si Paulus do pangalaho  na so badia i ima roha pangalangkupon, parmainon, tois marabit, parmabuhon(hagiot ni daging) (pat Gal 5.19-21). Rap mamingkirhon, manarihon rap mendukung ama dohot ina laho sumarihon angka na ringkot dingolu siganup ari jala manatap surgo sambulonta i.

3. Kristus do ojahan ni parsaripeon ni halak Kristen. Ditaon 2003 na salpu dipatupa hurianta HKBP do taon "Tahun Keluarga" ai tung tangkas do dihilala HKBP huria na metmet do parsaripeon/rumah tangga ni halak Kristen disandok portibi on. Nunga 149 taon HKBP na bolon diari kamis, 07 Oktober 2010 on, nunga olat ni dia panghorhon ni huria naung ojak di tano batak saleleng on? Boha do panghilalan manang panghorhon ni Kristus naung ojak di hurianta, di rumah tangga, boi do asing hita siang na so mananda ojahan ni Kristus i? Molo jumpang na paet-na tonggi tong do hita marojahan di hata ni Debata manang munsat do haporseaonta di ngolu na diportibi on(Mal 2.13-16). Molo jumpang hita hagabeon, hamoraon, hasangapon tu dia do hita mandok mauliate, jumpang hita parbinotoan, atik boha do hita gabe patubu ginjang ni roha manang lam sumurut do rohanta? 

Panimpuli: 

• Ganup ma hita manghaholongi pardihutana songon pamatangna (Efesus 5.33)
• Taparatarata ma tongtong pangantusion di parsaripeon hinalomohon ni Tuhan i ( i Tes 4.4-5)
• Unang taose padan parsaripeon i alani hagiot ni dagingta (Mal 2.16).